‘Yr Affrig – cyfandir sy mor weledol gyffrous, pobl sy mor weithgar a chyfeillgar, eto i gyd pocedi o ryfela sy mor greulon a pheryglus ac sy’n ysgogi trafodaeth ynghylch pa mor ddwfn yw’r casineb a gofyn y cwestiwn ‘pam?’ Hinsawdd sy wedi creu ffordd unigryw o fyw, tirlun amryfal, bywyd gwyllt sy’n parhau’n wyllt, cyfandir sy’n cymryd bywyd mor hawdd mae e’n ei roi.’

Llyfr ac arddangosfa sy’n dathlu’r amryfal agweddau ar y cyfandir bywiog a chythryblus hwn. Dyma astudiaeth o gyfandir yr Affrig, y cain a’r cythraul a’r materion mae’n eu hwynebu heddiw ac yn y dyfodol, trwy eiriau a lluniau du a gwyn y newyddiadurwr a’r ffotograffydd enwog Glenn Edwards.

Glenys Kinnock, ASE sy wedi ysgrifennu’r rhagair, ynghyd â thestun ychwanegol gan gyn-olygydd Materion Tramor The Independent on Sunday, James Roberts, a Glenn Edwards ei hun.

Astudiodd Glenn Edwards o dan arweiniad David Hurn o 1983-85 - un o ffotograffwyr cwmni cydweithredol Magnum. Bu Glenn yn un o aelodau o staff papur newydd y Western Mail ond gweithio ar ei liwt ei hun bu’i hanes yn ddiweddar - yn tynnu lluniau ar ran papurau newydd a chylchgronau traws Prydain.

Yn ogystal â gweithio yn Affrica, mae Glenn wedi gweithio ym Mosnia, yr India, Albania, Latfia a Gwlad yr Iâ. Tynnu lluniau i bapur newydd The Independent, yn ystod trychineb newyn Somalia ym 1993, bu Glenn yn yr Affrig gyntaf. Mae e wedi ymweld â’r cyfandir dro ar ôl tro ers hynny, gan weithio yn Namibia, Gambia, Zimbabwe, Tanzania, Cenia, Malawi a Sierra Leone.

Mae Glenn wedi teithio i’r Affrig dros 50 o weithiau, gan ymweld ag 16 o wledydd y cyfandir ar ran papurau newydd, cyrff anllywodraethol ac ar gyfer casglu lluniau a thestun ar gyfer y prosiect yma.

Glenn oedd Ffotograffydd Newyddion y Flwyddyn gwledydd Prydain ym 1998.